А Серия президенти Луиджи Де Сьерво 2026/27 йилги мавсумда Италия Суперкубоги Саудия Арабистонида ўтказилмаслигини тасдиқлади. Мусобақа мезбонлиги учун асосий номзодлар сифатида АҚШ ва Италия кўрилмоқда.
Аввалги мусобақа Саудия Арабистонида бўлиб ўтган эди ва шартномага кўра, ташкилотчиларда кейинги турнирни ҳам ўша ерда ўтказиш ҳуқуқи бор эди. Бироқ, кўринишидан, улар бу банддан фойдаланмасликка қарор қилишган, шу сабабли Суперкубок бошқа мамлакатда ўтади.
«Бу мураккаб масала, бизда маълум шартномалар бор ва шуни айта оламанки, турнир Саудия Арабистонида бўлмайди. АҚШда ўйнаш ғояси бор, шунингдек, яна бир халқаро вариант ҳамда бир йил давомида мусобақани Италиянинг ўзида ўтказиш варианти мавжуд», — дея А Серия раҳбарининг сўзларидан иқтибос келтирмоқда GR Parlamento Radio RAI.
Италия Суперкубоги яна «тўртлик финали» форматида ўтказилиши кутилмоқда. Унда амалдаги чемпион ва Италия Кубоги соҳибидан ташқари, А Сериянинг иккинчи жамоаси ва ўтган мавсумдаги Кубок финалчиси иштирок этади.
2025 йил декабрь ойида ўтказилган мусобақада «Наполи» ғолиб чиққан эди, ўшанда неаполликлар финалда «Болонья» билан тўқнаш келишганди.
