Дортмунднинг «Боруссия» клуби ҳужумчиси Серу Гирасси жамоани тарк этиши мумкин.

Хабар қилинишича, 30 ёшли форвард жамоадаги баъзи ҳолатлардан норози. Унинг бош мураббий Нико Ковач билан муносабатлари яхши бўлса-да, футболчига жамоанинг ўйин услуби маъқул келмаяпти.

Еттита алоҳида клуб учун амал қиладиган 50 миллион евро миқдоридаги товон пули сезиларли даражада пасайган. «Реал», «Барселона», «Манчестер Сити», «Ливерпуль», «Челси», «Манчестер Юнайтед» ва «Арсенал» клублари футболчини сотиб олиш бандини фаоллаштириши мумкин.

Шунингдек, ҳужумчига «Милан», «Тоттенхэм» ва «Фенербахче» жамоалари ҳам қизиқиш билдирмоқда. Ҳозирча ҳеч қайси клуб «Боруссия»га расмий таклиф билан чиққани йўқ.

Ушбу мавсумда Гирасси Бундеслиганинг 32 та ўйинида майдонга тушиб, 16 та гол уришга муваффақ бўлди.