«Барселона» вингери Ламин Ямал Ла Лигадаги ғалаба шарафига ташкил этилган чемпионлик паради давомида клуб мухлисларига қўллаб-қувватлаганлари учун миннатдорчилик билдирди.
— Бу ақл бовар қилмас даражада. Мухлислар доим биз билан: яхши кунларда ҳам, ёмон кунларда ҳам. Бу бизнинг бутун ҳаётимиз мазмуни бўлган клуб. Биз ҳар доим улар билан бирга бўламиз, биз уларни севамиз.
Биз қўлга киритилган ҳар бир совринни ва ғалаба қозонган ҳар бир мавсумимизни қадрлашимиз керак, чунки бу осон эмас. Жуда оғир йилларни бошдан кечирдик, лекин ҳозир ҳақиқий завқни ҳис қиляпмиз.
Душанба, Барселона, одамларнинг иши бор, лекин шунга қарамай фанатлар биз билан бирга.
— Чемпионлар лигасидаги ғалаба шарафига ҳам парад бўладими? — Албатта, — дея таъкидлади Ламин Ямал.
Эслатиб ўтамиз, каталонияликлар жорий мавсумда Чемпионлар лигасининг чорак финал босқичида «Атлетико»га имкониятни бой беришган бўлса, ўтган мавсумда ярим финалда «Интер»га мағлуб бўлишган эди.
