Дортмунднинг «Боруссия» клуби ҳужумчиси Серу Гирасси шу ёзда жамоасини ўзгартирмоқчи. Sky Deutschland хабарига кўра, «Тоттенхэм» футболчига асосий даъвогарлардан бири бўлиб турибди.

30 ёшли Гирасси жамоанинг ўйин услубидан норози, бу унинг кетиш истагига асосий сабаблардан бири бўлган. Ҳужумчининг шартномасида 50 миллион евро миқдорида товон пули белгиланган, бироқ бу бандни фақат 7 та клуб фаоллаштириши мумкин: «Барселона», «Реал», «Ливерпуль», «Челси», «Манчестер Юнайтед», «Манчестер Сити» ва «Арсенал».

Ҳозирча ушбу клублардан фақат «Барселона» футболчига қизиқиш билдирди. Шу сабабли «Тоттенхэм» вазиятга аралашишга қарор қилган. Шунингдек, «Фенербахче» ва «Милан» ҳам Гирасси атрофидаги воқеаларни кузатиб бормоқда.

Айни дамда «шпорлар» АПЛда жон сақлаб қолиш учун курашга эътибор қаратган, аммо мавсум муваффақиятли якунланса, клуб расмий музокараларга киришиши мумкин. Жорий мавсумда Гирасси 45 та ўйинда 21 та гол урди ва 6 та голли узатмани амалга оширди.