Инсайдер Фабрицио Романонинг хабар беришича, Хулиан Альвареснинг "Атлетико"даги келажаги борасидаги барча эшиклар ҳозирча очиқ ва ҳали ҳеч қандай якуний қарор қабул қилинмаган. Яқин ҳафталарда нима қилиш бўйича қарорни Хулианнинг шахсан ўзи қабул қилади.
"ПСЖ" ва "Барселона" клублари Альваресга жиддий қизиқиш билдирмоқда. Бундан ташқари, футболчининг хизматларига Премьер-лиганинг бир қатор клублари ҳам бефарқ эмас.
Қайд этилишича, Альварес — "Барселона"нинг орзусидаги трансфер ҳисобланади. Бироқ Каталония клуби раҳбарияти бу келишувни молиявий томондан амалга ошириш жуда қийин бўлишини яхши тушуниб турибди. Ҳозирча футболчи ўз келажаги борасида ўйлаш учун вақт олган.
