«Манчестер Юнайтед» ярим ҳимоячиси, илгари «Реал» шарафини ҳимоя қилган Каземиро Криштиану Роналду ва Лионель Месси ҳақида ўз фикрларини билдирди.

«Роналду? У энг зўри. Шунчаки энг зўри. «Эл-Класико»да Мессига қарши ўйин? Ҳар сафар унга қарши тўп сурганимизда, мен камроқ гапиришга ва уни итариб юбормасликка ҳаракат қилардим, чунки унинг ғазабини чиқаришни истамасдим. Унга қарши "подкат" ишлатардим-у, кейин: «Узр», деб қўярдим (кулади). Уни тўхтатиб қолишнинг иложи йўқ — бу имконсиз. «Барселона» ёмон ўйнаши мумкин эди, лекин кейин Месси гол урарди ва улар уч очкони қўлга киритишарди.

Менинг авлодимда мен учун энг зўрлари — Криштиану Роналду ва Лионель Месси, улардан кейин эса Неймар. Неймар улардан бироз ортда, чунки у камроқ соврин ютган, аммо бу йигит машғулотларда ва ўйинларда кўрсатадиган нарсалар — шунчаки «вау»!» — дея Каземиронинг сўзларини келтирмоқда The Touchline.

Маълумот учун, мавсум якунлангач, Каземиро «Манчестер Юнайтед»ни тарк этади.