«Челси»нинг собиқ сардори Жон Терри Хаби Алонсонинг Лондон клуби бош мураббийи этиб тайинланиши мумкинлиги борасида ўз қарашлари билан ўртоқлашди.
«Шубҳасиз, Хаби Алонсо яхши мураббий. Биз унинг ишларини кўрдик, ғоялари ва услуби жуда аниқ. Бироқ «Челси» — бу бошқа даража. Ҳозирги вазиятда бизга шунчаки яхши мураббийдан кўра кўпроқ нарса керак.
Бизга юқори савияда катта тажрибага эга бўлган, энг кучли лигаларда ўйнаган ва бошқарган, Чемпионлар Лигасида ғолиб чиқиш учун нима кераклигини тушунадиган мутахассис зарур. Бу клуб айнан мана шундай менталитет устига қурилган. Гап потенциал ҳақида эмас, балки исботланган сифат ҳақида кетмоқда. Айнан шу нарса ҳозирда «Челси» учун жуда муҳим», — деди Терри.
Эслатиб ўтамиз, Хаби Алонсонинг охирги иш жойи Мадриднинг «Реал» клуби бўлган эди. У «қироллик клуби»ни 2025 йил ёзидан 2026 йил январигача бошқарган.
