Уругвайлик ҳужумчи Эдинсон Кавани майдонга қайтишга яқин турибди. У жароҳатидан қутулди ва ўз клуби — Аргентинанинг «Бока Хуниорс» жамоасининг навбатдаги машғулотларида иштирок этди.
Кутилишича, у жамоасининг Либертадорес Кубоги доирасида Бразилиянинг «Крузейро» клубига қарши кечадиган навбатдаги ўйинидаёқ майдонга тушиши мумкин.
Эслатиб ўтамиз, «Матадор» жароҳати сабабли қарийб уч ойни ўтказиб юборди. Бундан ташқари, сўнгги вақтларда у Аргентина матбуотининг кескин танқидларига ҳам учради. Аргентина ОАВлари ўз услуби билан Италия матбуотига жуда ўхшаш бўлиб (Аргентина аҳолисининг салмоқли қисми айнан Апеннин ярим оролидан кўчиб келганлар авлодидир), эътибордан четда қолган ёки формасини йўқотган футболчиларни аяб ўтирмайди.
