«Манчестер Юнайтед» ярим ҳимоячиси Каземиро «Реал»нинг ғалаба қозониш менталитетини таърифлаб берди.

«Биз фақат Ла Лигада ғолиб чиқсак, ҳамма: «Чемпионлар лигаси-чи?», дейди. Фақат Чемпионлар лигасини ютсак: «Ла Лига-чи?», дейишади. Агар ҳам Чемпионлар лигасини, ҳам Ла Лигани қўлга киритсак: «Кейинги мавсумни кутайлик-чи», дейишдан тўхташмайди. «Реал»нинг моҳияти мана шунда.

Менга «Реал» ёқади, чунки у ерда сиз ортга қарамайсиз — ҳар доим «кейингиси» ҳақида ўйланади. Менимча, «Манчестер Юнайтед»да ҳам худди «Мадрид»дагидек — қандай бўлмасин, ғалаба қозониш керак. Майдонда бор кучни бериш шарт. Мен учун энг муҳими — ғалаба. «Реал»да ҳам бир ўйинда ютганимиздан сўнг, дарҳол кейингиси ҳақида ўйлардик. Ортга қарамасдан. Кечаги куннинг аҳамияти йўқ», — деди Каземиро «МЮ» собиқ ҳимоячиси Рио Фердинандга берган интервьюсида.