«Manchester Yunayted» yarim himoyachisi Kazemiro «Real»ning g‘alaba qozonish mentalitetini ta’riflab berdi.
«Biz faqat La Ligada g‘olib chiqsak, hamma: «Chempionlar ligasi-chi?», deydi. Faqat Chempionlar ligasini yutsak: «La Liga-chi?», deyishadi. Agar ham Chempionlar ligasini, ham La Ligani qo‘lga kiritsak: «Keyingi mavsumni kutaylik-chi», deyishdan to‘xtashmaydi. «Real»ning mohiyati mana shunda.
Menga «Real» yoqadi, chunki u yerda siz ortga qaramaysiz — har doim «keyingisi» haqida o‘ylanadi. Menimcha, «Manchester Yunayted»da ham xuddi «Madrid»dagidek — qanday bo‘lmasin, g‘alaba qozonish kerak. Maydonda bor kuchni berish shart. Men uchun eng muhimi — g‘alaba. «Real»da ham bir o‘yinda yutganimizdan so‘ng, darhol keyingisi haqida o‘ylardik. Ortga qaramasdan. Kechagi kunning ahamiyati yo‘q», — dedi Kazemiro «MYU» sobiq himoyachisi Rio Ferdinandga bergan intervyusida.
