Германия терма жамоасининг собиқ бош мураббийи Йоахим Лёв ўз келажаги ҳақидаги фикрлари билан ўртоқлашди.
«Шу пайтгача олган таклифларимда ички иштиёқ етишмаётган эди. Балки, мени чиндан ҳам руҳлантирадиган бирор таклиф оларман, аммо бунинг эҳтимоли жуда кам. Мен ҳали ҳам футболни кузатиб боряпман, лекин бир неча йилдан бери ўйин ташқарисидаман ва футбол чиндан ҳам жуда ўзгарди. Баъзан янги энергия ва янги ғояларга эга ёш мураббийлар тўғри танлов деб ўйлайман. Кўп нарсани бошидан ўтказган ва реалликка қарасак, бундан ортиғига эриша олмайдиган мендек инсон эмас», — дея Лёвнинг сўзларидан иқтибос келтирмоқда Флориан Плеттенберг.
Эслатиб ўтамиз, Йоахим Лёв 2006 йилдан 2021 йилгача Германия терма жамоасини бошқарган. Шундан сўнг у мураббийлик фаолиятига қайтмади.
