Germaniya terma jamoasining sobiq bosh murabbiyi Yoaxim Lyov o‘z kelajagi haqidagi fikrlari bilan o‘rtoqlashdi.
«Shu paytgacha olgan takliflarimda ichki ishtiyoq yetishmayotgan edi. Balki, meni chindan ham ruhlantiradigan biror taklif olarman, ammo buning ehtimoli juda kam. Men hali ham futbolni kuzatib boryapman, lekin bir necha yildan beri o‘yin tashqarisidaman va futbol chindan ham juda o‘zgardi. Ba’zan yangi energiya va yangi g‘oyalarga ega yosh murabbiylar to‘g‘ri tanlov deb o‘ylayman. Ko‘p narsani boshidan o‘tkazgan va reallikka qarasak, bundan ortig‘iga erisha olmaydigan mendek inson emas», — deya Lyovning so‘zlaridan iqtibos keltirmoqda Florian Plettenberg.
Eslatib o‘tamiz, Yoaxim Lyov 2006 yildan 2021 yilgacha Germaniya terma jamoasini boshqargan. Shundan so‘ng u murabbiylik faoliyatiga qaytmadi.













