«Реал» президенти Флорентино Перес директорлар кенгаши йиғилишидан сўнг матбуот анжумани ўтказди. Перес ўз лавозимини тарк этмаслигини қатъий таъкидлади.

«Сизга шуни маълум қиламанки, мен истеъфога чиқиш ниятида эмасман. Мен кетмайман! Мен «Реал»да янги сайловлар ўтказилишига чақираман. Нима учун? Чунки мен 2000 йилдан бери клуб эгалари «сосьос» (клуб аъзолари) бўлиши йўлида меҳнат қиляпман. Менга қарши кампаниялар олиб борилмоқда. Лекин мен ҳали ҳам шу ердаман ва мен «Реал» президентиман. Кимдир мени саратонга чалинган деб ёзибди. Буларнинг барчаси уйдирма — соғлиғим жойида», — дея Переснинг сўзларини келтирмоқда The Touchline.

Эслатиб ўтамиз, «Реал» якшанба куни «Эл-Класико»да (0:2) имкониятни бой берди ва «Барселона» муддатидан олдин Испания чемпионига айланди.