Яқинда 34 ёшли футболчининг ЖЧ-2026 учун "селесао"нинг кенгайтирилган таркибига киритилгани ҳақида хабарлар тарқалган эди. Юлдуз футболчининг якуний рўйхатдан жой олиши ҳозирча номаълум бўлиб қолмоқда.
"Неймарни футболчилар ҳам, мухлислар ҳам яхши кўришади. Уни терма жамоага чақирилишини кийиниш хонасига ташланган "бомба"га ўхшатиб бўлмайди, чунки уни жуда қадрлашади. Ҳар кимнинг ўз фикри бўлиши табиий ҳол. Менга маслаҳат бераётган барчага раҳмат айтаман. Неймар — мамлакат учун муҳим ўйинчи. Унда улкан истеъдод бор ва у буни доимо исботлаб келган. Ҳозир у ўз муаммоларини енгиб ўтишга ҳаракат қилмоқда", — дея Анчелоттининг сўзларини келтиради The Touchline.
Эслатиб ўтамиз, Бразилия терма жамоаси Жаҳон чемпионати гуруҳ босқичида Марокаш, Шотландия ва Гаити жамоаларига қарши баҳс олиб боради.
