«Манчестер Сити» бош мураббийи Хосеп Гвардиола ярим ҳимоячи Родрининг Испания терма жамоасининг Жаҳон чемпионати учун қайдномасига кирмай қолиши эҳтимоли ҳақида ўз фикрини билдирди. Апрель ойида 29 ёшли футболчи навбатдаги жароҳатини олди ва шу сабабли «шаҳарликлар»нинг сўнгги тўртта ўйинини ўтказиб юборди.

Матбуот анжуманида журналист Жейми Жексон ва Гвардиола ўртасида қуйидагича суҳбат бўлиб ўтди:

— Пеп, Родрининг Жаҳон чемпионатини ўтказиб юбориш эҳтимоли борми?

— Йўқ, — деб жавоб берди мураббий.

— Яхши, раҳмат.

— Арзимайди. Хўш, агар Луис де ла Фуэнте уни чақирмасагина, шундай имконият бўлиши мумкин, — дея аниқлик киритди Гвардиола.

Бугун Тошкент вақти билан соат 00:00 да «Манчестер Сити»нинг «Кристал Пэлас»га қарши учрашуви бошланади. Мураббийнинг жавоби Родрининг жароҳати ЖЧ-2026да иштирок этишга тўсқинлик қилмаслигига ишора қилмоқда.