«Манчестер Юнайтед»нинг афсонавий ярим ҳимоячиси Пол Скоулз айни дамда ижара асосида «Барселона»да тўп сураётган Маркус Рэшфорд ҳақида танқидий фикр билдирди. 28 ёшли футболчининг келаси мавсумни қаерда бошлаши ҳозирча номаълум бўлиб қолмоқда.

«Мен Рэшфордни бошқа «Манчестер Юнайтед» либосида тасаввур қилолмайман. У ўзининг бутун ҳаракатлари билан бу ерда ўйнашни хоҳламаётганини кўрсатиб қўйди. Маркус борини бериб ўйнашни тўхтатган эди. Тўғри, унда тезлик ва маҳорат бор, лекин меҳнатсиз ҳеч нарсага эришиб бўлмайди. Бу кибр эмас, шунчаки у ўзи ҳақида аслида бўлганидан кўра юқорироқ фикрга бора бошлади, шекилли. «МЮ»да бундай ҳолат ўтмайди. Менимча, одамлар буни дарров пайқашди», — дея Скоулзнинг сўзларини келтиради talkSPORT.

Эслатиб ўтамиз, яқинда Маркус Рэшфорд «Барселона» таркибида Испания чемпиони деган номга сазовор бўлди. Унинг трансфер ҳуқуқи ҳамон инглиз клубига тегишли, бироқ Скоулзнинг фикрича, футболчининг Манчестерга қайтиш эҳтимоли жуда паст.