«Manchester Yunayted»ning afsonaviy yarim himoyachisi Pol Skoulz ayni damda ijara asosida «Barselona»da to‘p surayotgan Markus Reshford haqida tanqidiy fikr bildirdi. 28 yoshli futbolchining kelasi mavsumni qayerda boshlashi hozircha noma’lum bo‘lib qolmoqda.

«Men Reshfordni boshqa «Manchester Yunayted» libosida tasavvur qilolmayman. U o‘zining butun harakatlari bilan bu yerda o‘ynashni xohlamayotganini ko‘rsatib qo‘ydi. Markus borini berib o‘ynashni to‘xtatgan edi. To‘g‘ri, unda tezlik va mahorat bor, lekin mehnatsiz hech narsaga erishib bo‘lmaydi. Bu kibr emas, shunchaki u o‘zi haqida aslida bo‘lganidan ko‘ra yuqoriroq fikrga bora boshladi, shekilli. «MYU»da bunday holat o‘tmaydi. Menimcha, odamlar buni darrov payqashdi», — deya Skoulzning so‘zlarini keltiradi talkSPORT.

Eslatib o‘tamiz, yaqinda Markus Reshford «Barselona» tarkibida Ispaniya chempioni degan nomga sazovor bo‘ldi. Uning transfer huquqi hamon ingliz klubiga tegishli, biroq Skoulzning fikricha, futbolchining Manchesterga qaytish ehtimoli juda past.