ЖЧ-2026 олдидан Ироқ терма жамоасида муаммолар юзага келди. Миллий терма жамоанинг бир йўла беш нафар футболчиси йирик футбол турнирида иштирок этиш учун АҚШ визасини ололмади. Бу ҳақда Shafaq News нашри Ироқ футбол федерацияси аъзоси Ғолиб ал-Замелига таяниб хабар бермоқда.
Турли сабабларга кўра Иброҳим Байеш, Муҳаннад Али, Зайд Таҳсин, Ҳайдар Абдул-Карим ва Али Ал-Ҳамадига виза бериш рад этилди.
Қайд этилишича, Ироқ футбол федерацияси ёрдам сўраб ФИФАга мурожаат қилиш ниятида. Мамлакат терма жамоаси футбол мутасаддилари муаммонинг тезкор ечимини топишда ёрдам беришидан умид қилмоқда, чунки юқорида исмлари тилга олинган футболчиларнинг аксарияти жамоанинг муҳим аъзолари ҳисобланади.













