Мадриднинг «Реал» клуби мухлислари Альваро Арбелоанинг келгуси мавсумда ҳам жамоа бошқарувида қолишини исташмоқда.

Teledeporte нашрининг хабар беришича, бугун испаниялик мутахассис ўз автомобилида «қаймоқранглилар» машғулот базасини тарк этаётган вақтда бир гуруҳ мухлислар уни тўхтатишган. Ишқибозлар мураббийга қарата: «Мадрид сени севади!» ва «Арбелоа, қол!» дея ҳайқиришган. Мутахассис эса мухлисларнинг бу чорловларига табассум билан жавоб қайтарган.

Эслатиб ўтамиз, Альваро Арбелоа жорий йилнинг январь ойида Хаби Алонсо ўрнини эгаллаб, «Реал» бош мураббийига айланган эди.

Мадрид клуби Ла Лиганинг 35-турида «Барселона»дан мағлуб бўлгач, Испания чемпионлиги учун имкониятларни расман бой берди.