Миланнинг «Интер» клуби навбатдаги муваффақиятга эришиб, Италия Кубоги финалида Римнинг «Лацио» жамоасини мағлубиятга учратди.

Римдаги «Олимпико» стадионида кечган баҳс тақдири биринчи бўлимнинг ўзидаёқ ҳал бўлди — миланликлар рақиб дарвозасига иккита гол уриб, устунликни ўйин охиригача сақлаб қолишди.

Учрашувдан сўнг «Интер» ҳужумчиси Маркус Тюрам ўз таассуротлари билан ўртоқлашди:

«Бу йилги муваффақиятларимиз учун ўтган мавсум пойдевор бўлиб хизмат қилди. Ўшандаги омадсизликлар бизни янада олдинга интилишга ундади. Ҳозир жуда хурсандмиз. Албатта, «Интер» мен келгунимга қадар ҳам совринлар ютарди, бу доим буюк клуб бўлган. Лекин бу бизнинг қувончимизни камайтирмайди», — дея Тюрамнинг сўзларидан иқтибос келтиради Sport Mediaset.