«Ливерпуль» афсонаси ва собиқ сардори Стивен Жеррард ҳимоячи Трент Александер-Арнольднинг ўтган ёзда Мадриднинг «Реал» клубига ўтгани ҳақида ўз фикрларини билдириб ўтди.

«Мен Трентнинг сафимизни тарк этмаслигини жуда хоҳлаган ва бунга умид қилган эдим. Албатта, ҳар бир футболчининг шахсий фаолияти ва ўз қарорлари борлигини тушунамиз ва ҳурмат қиламиз. Бироқ Александер-Арнольд каби дунё даражасидаги футболчининг ўрнини босиш жуда мушкул вазифа. Умид қиламизки, у қачондир яна «Ливерпуль»га қайтади», — дея Жеррарднинг сўзларини келтиради Madrid Zone.

Эслатиб ўтамиз, Трент Александр-Арнольд «Ливерпуль» академияси тарбияланувчиси ҳисобланади. «Қироллик клуби» инглиз футболчисининг трансфери учун 10 миллион евро тўлаган эди. Жорий мавсумда ҳимоячи Мадрид клуби сафида барча мусобақаларда 28 та учрашувда майдонга тушиб, 5 та голли узатмани амалга оширишга улгурди.