«Liverpul» afsonasi va sobiq sardori Stiven Jerrard himoyachi Trent Aleksander-Arnoldning o‘tgan yozda Madridning «Real» klubiga o‘tgani haqida o‘z fikrlarini bildirib o‘tdi.

«Men Trentning safimizni tark etmasligini juda xohlagan va bunga umid qilgan edim. Albatta, har bir futbolchining shaxsiy faoliyati va o‘z qarorlari borligini tushunamiz va hurmat qilamiz. Biroq Aleksander-Arnold kabi dunyo darajasidagi futbolchining o‘rnini bosish juda mushkul vazifa. Umid qilamizki, u qachondir yana «Liverpul»ga qaytadi», — deya Jerrardning so‘zlarini keltiradi Madrid Zone.

Eslatib o‘tamiz, Trent Aleksandr-Arnold «Liverpul» akademiyasi tarbiyalanuvchisi hisoblanadi. «Qirollik klubi» ingliz futbolchisining transferi uchun 10 million yevro to‘lagan edi. Joriy mavsumda himoyachi Madrid klubi safida barcha musobaqalarda 28 ta uchrashuvda maydonga tushib, 5 ta golli uzatmani amalga oshirishga ulgurdi.