Каталонияликлар таркибни кучайтириш учун кутилмаган вариант топишди. «Бетис» сафида тўп тепаётган Абде Эззалзули «Барселона»нинг трансфер мақсадлари қаторидан жой олди. Бу ҳақда журналист Рамон Фуэнтес хабар бермоқда.

Абденинг «Барселона»га эҳтимолий трансфери 60 миллион еврога баҳоланмоқда — айнан шунча миқдордаги товон пули ўйинчининг шартномасида кўрсатилган. Шу билан бирга, «Бетис» ўз юлдузини «Барселона»га қўйиб юборишни истамаяпти.

Таъкидлаш жоизки, «Барселона» Абдега бўлган ҳуқуқларнинг 20 фоизини ўзида сақлаб қолган. Аввалроқ футболчи каталонияликлар клубига тегишли бўлган.