Матбуотда «Барселона» ҳужумчиси Роберт Левандовскининг келажаги борасидаги муҳокамалар тинмаяпти. Таниқли инсайдер Маттео Мореттонинг ижтимоий тармоқларда хабар беришича, польшалик тўпурар каталонияликлар сафидан кетишга жуда яқин турибди.
Левандовскининг «кўк-анорранглилар» билан амалдаги шартномаси шу йилнинг июнь ойи якунида ниҳоясига етади. Аввалроқ 37 ёшли ҳужумчи Саудия Арабистонининг «Ал-Ҳилол» клубига ўтиши мумкинлиги ҳақида хабарлар тарқалган эди.
Маълумот учун, нуфузли Transfermarkt портали тажрибали ҳужумчини айни дамда 7 миллион еврога баҳоламоқда.
Якунланаётган 2025/2026 йилги мавсумда Роберт Левандовски «Барселона» либосида 44 та ўйинда майдонга тушиб, ўз ҳисобига 18 та гол ва 4 та голли узатмани ёздириб қўйди.
