«Ливерпуль» бош мураббийи Арне Слот жамоанинг жорий мавсумдаги ўйинларида панд бераётган муаммолар ҳақида ўз фикри билан ўртоқлашди. «Қизиллар»нинг ўйин услуби кўпинча рақибларнинг қарши ҳужумлари олдида заиф деб танқид қилинмоқда.

«Агар биз тез-тез қарши ҳужумларни ўтказиб юбораётган бўлсак, демак, таваккал қилишдан қўрқмаймиз ва ҳужумкор футбол ўйнаяпмиз, шундай эмасми? Бу бизнинг ниятимиздан далолат беради. Қарши ҳужумларга яхшироқ қаршилик кўрсатишимиз мумкинми? Албатта. Рақиблар у қадар тез-тез қарши ҳужумга ўтмоқда деб ўйламайман, бироқ бу содир бўлганда, одатда бизнинг дарвозамизга гол билан якунланмоқда. Лекин мен бу муаммони тузатиш учун нима қилиш кераклигини жуда яхши тушуниб турибман», — деди Слот матбуот анжуманида.

Бугун «Ливерпуль» сафарда «Астон Вилла»га қарши баҳс олиб боради. Ўйин Тошкент вақти билан тунги соат 00:00 да бошланади.