«Манчестер Юнайтед» клуби сардори Бруну Фернандеш ярим ҳимоячи Деклан Райсни ўз жамоасида кўришни жуда ҳам хоҳлаганини маълум қилди. Маълумот учун, Англия терма жамоаси аъзоси 2023 йилнинг ёзида «Вест Хэм»дан «Арсенал»га қарийб 117 миллион евро эвазига кўчиб ўтган эди.
«Мен ҳар доим Райсни «Манчестер Юнайтед»да ўйнаши керак бўлган футболчи деб ҳисоблаганман. У «Арсенал»ни танлаганида жуда қаттиқ хафа бўлдим. Менга ҳар доим у клубимизга идеал даражада мос келадигандек туюларди», — дея Бруну Фернандешнинг сўзларини келтирмоқда таниқли журналист Бен Жейкобс.
Эътиборли жиҳати, Деклан Райс ва Бруну Фернандеш айни дамда Премьер-лиганинг жорий мавсумдаги «Энг яхши футболчиси» номи учун асосий даъвогарлар қаторида ўзаро рақобатлашмоқда.
