«Барселона» ҳужумчиси Роберт Левандовски ҳозирча Саудия Арабистонининг «Ал-Ҳилол» клуби билан трансфер шартларини келишиб олгани йўқ, деб хабар бермоқда инсайдер Фабрицио Романо.
Аввалроқ, 37 ёшли футболчига Саудия клубидан расмий таклиф тушгани ва у ушбу таклифни қабул қилишга мойиллиги ҳақида маълумотлар пайдо бўлган эди. Хабарларга кўра, поляк ҳужумчисига йилига 90 млн евро маош таклиф қилинган.
Романонинг маълумотларига кўра, Робертда Саудия Арабистонидан ташқари, МЛС (хусусан, «Чикаго Файр») ва бошқа мамлакатлардан ҳам бир қанча таклифлар бор, бироқ у ҳали ҳам ўз келажаги борасида бир қарорга келгани йўқ.
