«Астон Вилла» бош мураббийи Унаи Эмери Премьер-лига доирасида «Ливерпуль»га қарши кечган ва 4:2 ҳисобидаги ғалаба билан якунланган ўйиндан сўнг ўз таассуротлари билан ўртоқлашди. «Вилла»га Морган Роджерс, Олли Уоткинс (дубль) ва Жон Макгинннинг аниқ зарбалари уч очко тақдим этди. Меҳмонлар таркибида эса Виржил ван Дейк дубль қайд этди.
Бирмингемликлар мавсум якунланишига бир тур қолганда Чемпионлар лигаси йўлланмасини нақд қилишди.
«Фантастика. Бугунги учрашув биз учун жуда муҳим эди. Биз «Ливерпуль» билан тўқнаш келдик ва ўзимизни синовдан ўтказдик. Биринчи бўлим осон кечмади, аммо иккинчи бўлим — шунчаки фантастика. Мухлисларга қўллаб-қувватлаганлари учун миннатдорчилик билдираман. Чемпионлар лигасига йўлланма олиш — бу ажойиб. Биз Премьер-лигада ажойиб мавсумни ўтказдик ва Европа лигаси финалига чиқдик. Мен жуда фахрланаман», — деди Эмери Sky Sports га берган интервьюсида.
20 май куни «Астон Вилла» Европа лигаси финалида «Фрайбург»га қарши майдонга тушади, 24 май куни эса АПЛнинг сўнгги тури доирасида сафарда «Манчестер Сити» меҳмони бўлади.
