«Ноттингем Форест» клуби раҳбарияти бош мураббий Витор Перейра билан шартномани узайтириш ниятида. Бу АПЛда жон сақлаб қолиш учун олиб борилган кураш муваффақиятли якунланганидан сўнг имконли бўлди, деб хабар бермоқда The Athletic нашри.

57 ёшли португалиялик мутахассис февраль ойида жамоани қабул қилиб олган ва бир ярим йилга мўлжалланган битимга имзо чеккан эди. Ўша пайтда клуб хавфли зонадан атиги 3 очко масофада турганди, бироқ мутахассис вазиятни барқарорлаштиришга ва мавсум якунидан 2 тур олдин инглиз футболи элитасидаги ўринни сақлаб қолишга муваффақ бўлди.

Клуб раҳбарияти ва футболчилар мураббийнинг ишидан буткул мамнун, жамоа ичидаги муҳит эса «ўта соғлом» деб баҳоланмоқда. Перейра бошчилигида «ўрмончилар» Европа лигаси ярим финалига қадар етиб боришди ва чемпионатда 8 та ўйиндан иборат мағлубиятсиз серия қайд этишди.

Клуб нафақат Перейрани, балки етакчи футболчиларни ҳам жамоада сақлаб қолишга умид қилмоқда. Хусусан, ярим ҳимоячи Эллиот Андерсонга «Манчестер Сити» ва «Манчестер Юнайтед» клублари томонидан бўлаётган қизиқиш ҳануз сақланиб турибди.