«Nottingem Forest» klubi rahbariyati bosh murabbiy Vitor Pereyra bilan shartnomani uzaytirish niyatida. Bu APLda jon saqlab qolish uchun olib borilgan kurash muvaffaqiyatli yakunlanganidan so‘ng imkonli bo‘ldi, deb xabar bermoqda The Athletic nashri.
57 yoshli portugaliyalik mutaxassis fevral oyida jamoani qabul qilib olgan va bir yarim yilga mo‘ljallangan bitimga imzo chekkan edi. O‘sha paytda klub xavfli zonadan atigi 3 ochko masofada turgandi, biroq mutaxassis vaziyatni barqarorlashtirishga va mavsum yakunidan 2 tur oldin ingliz futboli elitasidagi o‘rinni saqlab qolishga muvaffaq bo‘ldi.
Klub rahbariyati va futbolchilar murabbiyning ishidan butkul mamnun, jamoa ichidagi muhit esa «o‘ta sog‘lom» deb baholanmoqda. Pereyra boshchiligida «o‘rmonchilar» Yevropa ligasi yarim finaliga qadar yetib borishdi va chempionatda 8 ta o‘yindan iborat mag‘lubiyatsiz seriya qayd etishdi.
Klub nafaqat Pereyrani, balki yetakchi futbolchilarni ham jamoada saqlab qolishga umid qilmoqda. Xususan, yarim himoyachi Elliot Andersonga «Manchester Siti» va «Manchester Yunayted» klublari tomonidan bo‘layotgan qiziqish hanuz saqlanib turibdi.
