Мануэль Нойер «Бавария» билан шартномани узайтириш сабабларини тушунтирди. Бугун дарвозабон Мюнхен клуби билан 2026/27 йилги мавсум якунига қадар мўлжалланган янги битимга имзо чекди.

– Мануэль, энди ҳаммаси расмийлашди: сиз «Бавария» билан шартномангизни яна бир йилга узайтирдингиз. Бундан қанчалик мамнунсиз?

– Мен жуда ҳам хурсандман! Бир қарорга келишим учун бироз вақт керак бўлди — шунчаки шошилишни истамадим. Бу, биринчи навбатда, мен учун, лекин албатта клуб ва жамоа учун ҳам жуда муҳим қарор эди. Ҳозир ушбу қарорим тўғри бўлганига тўлиқ ишончим комил.

– Агар хулоса қиладиган бўлсак — нима учун Мануэль Нойер «Бавария» билан шартномасини яна бир йилга узайтирди?

– Чунки мен учун бу ерда ҳамма нарса идеал даражада: бизда ажойиб мураббийлар штаби ва фантастик таркиб бор. Мен ўз қийматимни яна бир бор исботлай олдим. Биз ҳатто энг юқори даражада ҳам исталган рақибни мағлуб эта оламиз, — деди Нойер.

Германия Бундеслигасининг жорий мавсумида 40 ёшли дарвозабон 21 та ўйинда майдонга тушиб, уларнинг 7 тасида ўз дарвозаси дахлсизлигини сақлаб қолди.