«Бенфика» бош мураббий Жозе Моуриньо қўл остида мавсумни Португалия чемпионатида бирорта ҳам мағлубиятсиз якунлади. Охирги турда лиссабонлик клуб «Эшторил» жамоасини 3:1 ҳисобида мағлуб этди. Учрашув «Антониу Коимбра да Мота» стадионида бўлиб ўтди.

Жами 34 ўйинда «Бенфика» 23 ғалаба қозонди ва 11 марта дуранг ўйнади. Европа бўйича бошқа ҳеч бир клуб 2025/2026 мавсумини ички чемпионатда мағлубиятсиз ўтказа олмади. «Бенфика» якуний жадвалда 80 очко тўплаб, 3-ўринни эгаллади ва чемпион «Порту»дан (88 очко) 8 очко ортда қолди.

Аввалроқ Жозе Моуриньо «Бенфика»ни тарк этиши мумкинлиги ҳақида хабарлар чиққан эди. ОАВ маълумотларига кўра, португалиялик мутахассис Мадриднинг «Реал Мадрид» клубига қайтади.

Португалия — Примейра. 34-тур
2026 йил 16 май, шанба.
«Эшторил» — «Бенфика» 1:3
Голлар: 0:1 Риос – 7’, 0:2 Бах – 15’, 0:3 Раф. Силва – 16’, 1:3 Пейшинью – 90+1’