Англия Кубогининг 2025/2026 йилги мавсум финал учрашувида «Манчестер Сити» Лондоннинг «Челси» жамоаси билан тўқнаш келди. Хосеп Гвардиола шогирдлари «пенсионерлар» устидан 1:0 ҳисобида минимал ғалабани қўлга киритишди.
Учрашувдаги ягона гол муаллифи Антуан Семеньо бўлди. Ушбу гол эвазига вингер тарихдан жой олди — Антуан Англия Кубоги финалида гол уришга муваффақ бўлган илк ганалик футболчига айланди.
Таъкидлаш жоизки, «Манчестер Сити» ўз тарихида саккизинчи бор Англия Кубогини қўлга киритди. Якунига етган турнир давомида Семеньо 5 та учрашувда майдонга тушиб, ўз ҳисобига 3 та гол ва 2 та голли узатмани ёздириб қўйди.
