Туриннинг «Ювентус» клуби ҳужумчиси Душан Влахович ёзги трансфер ойнасида жамоани тарк этиши мумкин. Бу ҳақда «Mundo Deportivo» журналистлари хабар бермоқда.
Манбанинг маълумотларига кўра, сербиялик ҳужумчида Англия Премьер-лигасининг топ-клубида иш бошлаш варианти мавжуд. Влаховични ўз сафига қўшиб олишга Лондоннинг «Арсенал» клуби қизиқиш билдирмоқда. «Тўпчилар» Душанни текинга қўлга киритишлари мумкин, чунки унинг «кекса синьора» билан шартномаси 2025/2026 йилги мавсум якунида ниҳоясига етади.
Италия чемпионатининг жорий мавсумида 26 ёшли Влахович 17 та учрашувда майдонга тушиб, ўз ҳисобига 5 та гол ёздириб қўйган.
