«Интер Майами» ҳужумчиси Лионель Месси яна бир бор ажойиб сермаҳсуллик намойиш этмоқда. 38 ёшли футболчи «Портленд Тимберс»га қарши кечган ва 2:0 ҳисобидаги ғалаба билан якунланган учрашувда гол урди ҳамда голли узатмани амалга оширди.

Умумий ҳисобда аргентиналик юлдуз май ойидаги тўртта ўйинда «гол+пас» тизими бўйича ўнта очко жамғаришга улгурди — бешта гол ва шунча голли узатма. Бундан аввал форвард «Орландо Сити»га қарши баҳсда 1+1, «Торонто» билан ўйинда 1+2 ва «Цинциннати»га қарши учрашувда 2+1 кўрсаткичини қайд этган эди.

Жорий йилнинг 17 июнь кунида Аргентина терма жамоаси Жаҳон чемпионати гуруҳ босқичи доирасидаги илк ўйинини ўтказади — ўшанда Австрия рақиблик қилади. Шундан сўнг «альбиселесте»ни Жазоир (22.06) ва Иордания (28.06) терма жамоаларига қарши баҳслар кутмоқда.