«ПСЖ» Лига 1 нинг сўнгги тури доирасида бўлиб ўтган учрашувда «Париж» клубига имкониятни бой берди (1:2). Луис Энрике шогирдлари 50-дақиқада ҳисобни очишган эди, бироқ қолган вақт ичида ўз дарвозаларидан иккита тўп ўтказиб юбориб, дербида мағлубиятга учрашди.

«Биз ўз даражамизни кўрсата олмадик — айниқса, бор кучни бериб ўйнаш борасида. Биринчи бўлимда умуман вазият ярата олганимиз йўқ. Позитив кайфиятни сақлаб қолишимиз керак, чунки олдинда бизни энг асосий баҳс — Чемпионлар лигаси финали кутмоқда. Бизга қарши доимо ўйнаш қийин бўлган кучли рақиб тўп сурди. Финалга тайёргарлик одатий режимда давом этади. Вазиятдан завқ ола билиш лозим», — деди ўйиндан кейинги интервьюсида «ПСЖ» сардори Маркиньос.

Чемпионлар лигасининг ҳал қилувчи ўйинида Париж гранди «Арсенал» билан тўқна келади — учрашув 30 май куни бўлиб ўтади.