«PSJ» Liga 1 ning so‘nggi turi doirasida bo‘lib o‘tgan uchrashuvda «Parij» klubiga imkoniyatni boy berdi (1:2). Luis Enrike shogirdlari 50-daqiqada hisobni ochishgan edi, biroq qolgan vaqt ichida o‘z darvozalaridan ikkita to‘p o‘tkazib yuborib, derbida mag‘lubiyatga uchrashdi.
«Biz o‘z darajamizni ko‘rsata olmadik — ayniqsa, bor kuchni berib o‘ynash borasida. Birinchi bo‘limda umuman vaziyat yarata olganimiz yo‘q. Pozitiv kayfiyatni saqlab qolishimiz kerak, chunki oldinda bizni eng asosiy bahs — Chempionlar ligasi finali kutmoqda. Bizga qarshi doimo o‘ynash qiyin bo‘lgan kuchli raqib to‘p surdi. Finalga tayyorgarlik odatiy rejimda davom etadi. Vaziyatdan zavq ola bilish lozim», — dedi o‘yindan keyingi intervyusida «PSJ» sardori Markinyos.
Chempionlar ligasining hal qiluvchi o‘yinida Parij grandi «Arsenal» bilan to‘qna keladi — uchrashuv 30 may kuni bo‘lib o‘tadi.
