Дортмунднинг «Боруссия» клуби бош мураббийи Нико Ковач кейинги мавсум учун жамоадан кутиладиган умидларни ҳаддан ташқари ошириб юбормасликка чақирди ва клуб ҳозирча «Бавария» билан тенгма-тенг курашишга тайёр эмаслигини таъкидлади.
«Тушунаман, ҳамма кўпроғини — юқорироқ, узоқроқ ва тезроқ бўлишни хоҳлайди. Аммо кейинги йили «Бавария»га ҳақиқий чақирув ташлай олишимизни кўрмаяпман. Мен содда эмасман — реаллистман ва вазиятни холис баҳолашга ҳаракат қиламан. Уларда бизга қараганда анча кўп маблағ ва юлдуз футболчилар бор», — дея Ковачнинг сўзларини келтиради WAZ портали.
Маълумот учун, «Боруссия» мавсумни иккинчи ўринда якунлаб, Мюнхен клубидан 16 очко орқада қолди.
