Dortmundning «Borussiya» klubi bosh murabbiyi Niko Kovach keyingi mavsum uchun jamoadan kutiladigan umidlarni haddan tashqari oshirib yubormaslikka chaqirdi va klub hozircha «Bavariya» bilan tengma-teng kurashishga tayyor emasligini ta’kidladi.

«Tushunaman, hamma ko‘prog‘ini — yuqoriroq, uzoqroq va tezroq bo‘lishni xohlaydi. Ammo keyingi yili «Bavariya»ga haqiqiy chaqiruv tashlay olishimizni ko‘rmayapman. Men sodda emasman — reallistman va vaziyatni xolis baholashga harakat qilaman. Ularda bizga qaraganda ancha ko‘p mablag‘ va yulduz futbolchilar bor», — deya Kovachning so‘zlarini keltiradi WAZ portali.

Ma’lumot uchun, «Borussiya» mavsumni ikkinchi o‘rinda yakunlab, Myunxen klubidan 16 ochko orqada qoldi.