«Ливерпуль» «Пари Сен-Жермен»нинг 23 ёшли вингери Брэдли Баркольяни ўз сафига қўшиб олмоқчи. Бу ҳақда Le10Sport журналисти Алексис Бернард Х ижтимоий тармоғида хабар берди.
«Қизиллар» ҳужумнинг чап қаноти учун кучли футболчи қидиришмоқда. Клубнинг фикрича, Барколья Европадаги энг қизиқарли ёш футболчилардан бири ҳисобланади.
Аввалроқ инглизлар франциялик футболчига даъвогарлик қилишган, бироқ ўшанда иш трансфергача етиб бормаган эди. Манбанинг сўзларига кўра, ҳозирда Баркола ўтган ёзга қараганда кўпроқ жамоасини ўзгартиришга мойил бўлиб турибди.
Transfermarkt портали ўйинчининг бозор қийматини 70 миллион еврога баҳоламоқда. Жорий мавсумда Барколья барча мусобақаларда 48 та ўйинда майдонга тушиб, 13 та гол урди ва 7 та голли узатмани амалга оширди.













