«Liverpul» «Pari Sen-Jermen»ning 23 yoshli vingeri Bredli Barkolyani o‘z safiga qo‘shib olmoqchi. Bu haqda Le10Sport jurnalisti Aleksis Bernard X ijtimoiy tarmog‘ida xabar berdi.

«Qizillar» hujumning chap qanoti uchun kuchli futbolchi qidirishmoqda. Klubning fikricha, Barkolya Yevropadagi eng qiziqarli yosh futbolchilardan biri hisoblanadi.

Avvalroq inglizlar fransiyalik futbolchiga da’vogarlik qilishgan, biroq o‘shanda ish transfergacha yetib bormagan edi. Manbaning so‘zlariga ko‘ra, hozirda Barkola o‘tgan yozga qaraganda ko‘proq jamoasini o‘zgartirishga moyil bo‘lib turibdi.

Transfermarkt portali o‘yinchining bozor qiymatini 70 million yevroga baholamoqda. Joriy mavsumda Barkolya barcha musobaqalarda 48 ta o‘yinda maydonga tushib, 13 ta gol urdi va 7 ta golli uzatmani amalga oshirdi.