Криштиану Роналду дам олиш кунлари «Ан-Наср» таркибидаги илк совринини қўлга кирита олмади — Саудия Арабистони клуби ОФК Чемпионлар Лигаси 2 финалида «Гамба Осака»га имкониятни бой берди. Ушбу мусобақа Осиёдаги аҳамияти жиҳатидан иккинчи даражали клублар турнири ҳисобланиб, УЕФАдаги Европа Лигаси аналогидир.
Қизиқарли жиҳати шундаки, бой берилган финалдан сўнг Криштиану Роналду сукут сақламоқда — у охирги икки кун ичида ижтимоий тармоқларда бирорта ҳам пост қолдирмади. Кўринишидан, 41 ёшли португалиялик юлдуз мағлубиятдан жуда қаттиқ хафа бўлган. Ёки Роналду бор эътиборини «Дамак»ка қарши бўлиб ўтадиган бўлажак ўйинга қаратган.
Агар «Ан-Наср» ушбу баҳсда ғалаба қозонса, Саудия Арабистони чемпионига айланади. «Ан-Наср» — «Дамак» учрашуви пайшанба куни, 21 май куни бўлиб ўтади.
