«Реал Мадрид» вингери Родриго жамоани тарк этаётган Даниэль Карвахалга хайрлашув сўзларини йўллади.
«Дани, cардор!
Бугун мен учун «Реал Мадрид»га келган илк кунимдан бошлаб асосий намуна бўлиб келган инсонлардан бири кетмоқда.
Шу йиллар давомида биз бир кийиниш хонасини, совринларни, унутилмас оқшомларни ва мен умрбод сақлаб қоладиган лаҳзаларни баҳам кўрдик.
Лекин қўлга киритган барча ютуқларимиздан ҳам кўра, мен сенинг шахсиятингни ва ҳар куни майдонда ҳам, унинг ташқарисида ҳам кўрсатган ўрнагингни кўпроқ эслаб қоламан.
Мен учун сен ушбу клуб англатадиган барча фазилатларни: фидойилик, характер ва ҳақиқий мадридизмни ўзингда мукаммал мужассам этгансан. Ҳар бир маслаҳатинг учун, ҳар бир ёрдаминг ва бирга ўтказилган ҳар бир лаҳза учун раҳмат, капитан.
Сени жуда соғинаман. Янги босқичда сенга энг яхши тилакларни тилаб қоламан, афсона!» — деб ёзди Родриго.
