«Лацио» президенти Клаудио Лотито жамоанинг ҳозирги ҳолати ва режалари ҳақида тўхталиб ўтди. Чемпионат якунига бир тур қолганда римликлар турнир жадвалида 9-ўринда бормоқда.

«Менда қайта бошлаш учун барча шароитлар бор деб ҳисоблайман. Бу жуда ғалати мавсум бўлди. 22 йиллик фаолиятим давомида бунақасини кўрмаганман. Кўплаб жароҳатлар ва турли кўнгилсизликлар натижаларимизга жиддий таъсир қилди. Умид қиламанки, бу мавсумни ортда қолдириб, янги иштиёқ билан иш бошлаймиз. Биз жамоани қайта ташкил этамиз ва мухлисларимизни яна хурсанд қилишга ҳаракат қиламиз», деди Лотито.

Маълумот учун, «Лацио» жорий мавсумда Италия Кубоги финалига қадар етиб борди, бироқ ҳал қилувчи баҳсда «Интер»га имкониятни бой берди.