Премьер-лиганинг сўнгги турида «Астон Вилла»га қарши ўтказиладиган учрашув Хосеп Гвардиола учун «Манчестер Сити» бош мураббийи лавозимидаги охирги ўйин бўлади. Клуб аллоқачон ҳомийларни Гвардиола билан тез орада хайрлашиш кутилаётгани ҳақида огоҳлантиришни бошлагани тўғрисида маълумотлар пайдо бўлди.
Гвардиола ўн йиллик фаолиятдан сўнг «Манчестер Сити» бош мураббийлигини тарк этади. Ваҳоланки, Хосепнинг клуб билан шартномаси 2027 йилнинг ўрталарига қадар мўлжалланган эди. Daily Mail нашри саҳифаларида эълон қилинган мақолада айтилишича, Гвардиола «Манчестер Сити»да қолиши мумкин, бироқ умуман бошқа лавозимда.
Хосеп Гвардиола кетганидан кейин «Манчестер Сити»ни 1 январь куни «Челси»дан бўшатилган Энцо Мареска бошқариши мумкин.
