«Реал» ҳужумчиси Эндрик ижтимоий тармоқларда ўзининг 2026 йилги Жаҳон чемпионатида иштирок этиш учун Бразилия терма жамоаси қайдномасига киритилганига муносабат билдирди.
«Раҳмат, Худойим, Сен ажойибсан! Дунёнинг энг яхши жамоаси билан менинг биринчи Жаҳон чемпионатим, бу лаҳза учун Худога фақат шукрона айта оламан. Энди мамлакатимиз шарафини ҳимоя қилиш вақти келди! Келинг, боримизни бериб ҳаракат қилайлик!» — дейилади футболчининг постида.
Якунланган клуб мавсумидаги 24 та ўйинда Эндрик 8 та гол урди ва 8 та голли узатмани амалга оширди.
Жаҳон чемпионатининг гуруҳ босқичида Карло Анчелотти бошчилигидаги Бразилия терма жамоаси Марокаш, Гаити ва Шотландия жамоалари билан тўқнаш келади.
