УЕФА ташкилоти ФИФА томонидан таклиф этилган ва IFAB (Халқаро футбол ассоциациялари кенгаши) томонидан тасдиқланган янги қоидаларни жорий этмасликка қарор қилди.

Жаҳон футболи раҳбариятининг янги қарорига кўра, футболчилар рақиб билан можаро (тортишув) пайтида оғзини қўли билан ёпганлиги ёки ҳакам қарорларига норозилик сифатида майдонни ўзбошимчалик билан тарк этганлиги учун автоматик равишда қизил карточка олишлари мумкин.

The Guardian нашрининг хабар беришича, ушбу янги нормалар 1 июндан кучга киради ва 2026 йилги Жаҳон чемпионатида қўлланилади, бироқ Европа клублар ўртасидаги турнирларда амал қилмайди. Шу билан бирга, УЕФА Жаҳон чемпионати давомида ушбу янгиликларнинг қўлланилишини диққат билан кузатиб боришини ва келаси мавсум давомида уларнинг самарадорлигини баҳолашини маълум қилди.