«Арсенал» устози Микель Артета сўнгги 20 йил ичида Премьер-лигада ғолиб чиққан энг ёш бош мураббийга айланди.
44 ёшли баск миллатига мансуб мутахассис АПЛнинг 37-тури якунларига кўра, лондонликлар билан муддатидан олдин чемпионлик унвонини қўлга киритди. Охирги марта 2005/06 йилги мавсумда 43 ёшли Жозе Моуриньо «Челси» билан инглиз футболи тахтини забт этган эди.
Қайд этиш лозимки, Артета 44 ёшу 54 кунлигида Премьер-лига тарихидаги энг ёш чемпион мураббийлар рейтингида учинчи ўринни эгаллади. Ундан ёшроқ ҳолатда фақатгина Жозе Моуриньо икки бор чемпионликка эришган (2004/05 йилги мавсумда — 42 ёшу 94 кунликда, 2005/06 йилги мавсумда эса — 43 ёшу 93 кунликда).
