«Arsenal» ustozi Mikel Arteta so‘nggi 20 yil ichida Premyer-ligada g‘olib chiqqan eng yosh bosh murabbiyga aylandi.
44 yoshli bask millatiga mansub mutaxassis APLning 37-turi yakunlariga ko‘ra, londonliklar bilan muddatidan oldin chempionlik unvonini qo‘lga kiritdi. Oxirgi marta 2005/06 yilgi mavsumda 43 yoshli Joze Mourinyo «Chelsi» bilan ingliz futboli taxtini zabt etgan edi.
Qayd etish lozimki, Arteta 44 yoshu 54 kunligida Premyer-liga tarixidagi eng yosh chempion murabbiylar reytingida uchinchi o‘rinni egalladi. Undan yoshroq holatda faqatgina Joze Mourinyo ikki bor chempionlikka erishgan (2004/05 yilgi mavsumda — 42 yoshu 94 kunlikda, 2005/06 yilgi mavsumda esa — 43 yoshu 93 kunlikda).
