«Атлетико» «Порту»нинг ҳужумкор ярим ҳимоячиси Виллиам Гомесни сотиб олишга қизиқиш билдирмоқда.

Инсайдер Фабрицио Романонинг берган маълумотларига кўра, 20 ёшли бразилиялик вингернинг трансфери бўйича дастлабки алоқалар ўрнатилиб бўлган. Эндиликда якуний қарор қабул қилиш «аждаҳолар» ихтиёрида қолмоқда.

Гомеснинг «Порту» билан амалдаги шартномаси 2029 йилнинг ёзига қадар мўлжалланган. Transfermarkt портали футболчининг трансфер қийматини 20 миллион еврога баҳоламоқда.

Жорий мавсумда Виллиам Португалия чемпионати доирасида 28 та учрашувда майдонга тушиб, ўз ҳисобига 8 та гол ва 1 та голли узатма ёздириб қўйишга муваффақ бўлди.